Utlaav er Eva, Emma, Uma, Anna og Hanna. Kjende og kjære countrytradisjonar blir fletta saumlaust inn i eit moderne landskap, prega av kvintetten sine røter i indierock og jazz. Jentene tek opp alt frå udiagnostisert narkolepsi til bitter hjartesorg, og pakkar det inn i folk og americana.

Det ferske bandet har hatt eit forrykande første år. Mellom oppvarmingskonsertar på BLÅ og John Dee i Oslo, og Vise- og lyrikkfestivalen i Haugesund, vann Utlaav den gjeve prisen som Norsk Countrytalent 2025. Med denne vinden i ryggen er jentene no i full sving med førebuingane til debutalbumet sitt, som blir spela inn saman med Geir Sundstøl (Stein Torleif Bjella m.m.).

Den 9. juli 2026 vender Utlaav tilbake til Breim, og publikum vert bedne om å halde godt i reimane: her blir det full galopp.